تنظيم ميزانيه البيت
****************
الكثير من النساء وربات البيوت حاليا يعانون فى عجز فى مصروف البيت
واصبحوا يواجهون تحديا كبيرا فى عمل ميزانية للمنزل واصبحت ربه المنزل تجد صعوبه حقيقيه فى تنظيم ميزانيتها لمواجهة الغلاء
بسبب زيادة الاسعاروارتفاعها وبسبب التغير المستمر فى الاقتصاد المصرى
لذلك حاولنا بقدر الامكان ان نجمع بعض النصائح الهامة لست البيت علشان تعرف ازاى تعمل ميزانية البيت .
وطبعا الميزانية الصحيحة شى ء مهم ولأن الاستهلاك العشوائي ممكن يوصلك إلى محفظة فاضيه قبل نهاية الشهر، علشان كدا انتى محتاجة إلى تقسيم مصروف المنزل إلى بنود بحسب ميزانيتك الشخصية والبنود دى لازم تكون صحيحة وسليمة وعلى قد دخلك لا اكتر ولا اقل.
ولازم تحددى البنود الاهم فالمهم يعنى تحطى الاول الايجار والمية والنوروالعلاج وغيرة من البنود الاهم وبعد كدا نفقات المعيشة من اكل وشرب ومواصلات وغيرة وخلى بالك كل ما حددتى البنو صح حتعرفى تحددى المبلغ المطلوب منك لكل بند من البنود دى .
ولازم كمان تتابعى الاسعار كويس وكل يوم علشان تعرفى تحددى اللى حتشترية واللى ممكن تستغنى عنة واللى ممكن تجبية علشان تخزنية كل دى حاجات مهمة .
وكمان لازم تشاركى زوجك واولادك فى موضوع الميزانية علشان كل واحد يعرف ازاى يساعد معاكى فى الحفاظ على الميزانية لازم تكتبى كل البنود المطلوبه وتطلعى الاول فلوس البنود الاهم وبعد كدا بالباقى تحاولى باقى تكملى بنود الاكل والشرب والمعيشة .
**وبنصحك يا حبيبتى انك بتخصيص 10% من المبلغ الأساسي، كمدخرات يمكن استغلالها فيما بعد علشان متحتاجيش حاجة من حد وتلاقى مبلغ معاكى لو لا قدر الله حصل اى ظرف طارق ولو مفيش اى ظرف طارق المبلغ دة بردة مهم ليكوا بعد كدا لو احتجتم تجيبم حاجة زيادة فى البيت .
تعالي اقولك شويه حاجات كده تظبط معاكي وانتي بتعملي ميزانيه بيتك -
اولا واخيرا
انتي ست البيت والام والعقل المدبر لكل حاجه ف أسرتك فأنتي الوحيده ف العالم اللي تقدري تظبطي ميزانيتك حسب احتياجاتك
-مفيش حد هيقدر يعملك ميزانيه بالظبط وبالملي زي ماانتي عايزه الا بقي لو يعرف عنك كل كبيره وصغيره وبتحبي ايه ومابتحبيش ايه ودا مستحيل .
لو ميزانيتك صغيره
ماينفعش نجيب خزين بالشهر عشان هتقعدي من غير فلوس ف ايدك دا غير ان كميه الاكل هتحسيها صغيره وهتستهلك بسرعه وتيجي نص الشهر لا في فلوس ولا خزين ..
لو ميزانيتك كبيره
الاحسن نخرن بالشهر بنص المبلغ والنص التاني يبقي معانا للالتزامات طول الشهر ولو احتاجنا حاجه بنكمل زي الجبنات مثلا
لو ميزانيتك متوسطة
هتقسمي شهرك علي اتنين ؛ النص الاول بنص المبلغ تقسميه 3 ... تلتين نجيب الخزين والتلت التالت يفضل معانا نكمل بيه لحد يوم 15 واي حاجه طارئه تظهر لك أو اي حد عايز حاجه زياده ردك هيكون استني يومين تلاته لحد ما ندخل ع نص التاني من الشهر ؛ والنص التاني من الشهر نفس الطريقه تجيبي ب بتلتين خزين والتالت خليه معاكي يقفل معاكي الشهر .
- انتي الوحيده اللي تعرفي ولادك بيحبو ايه ومابيحبوش ايه فهتعرفي تجيبي ايه بالظبط ولو حاجه مش بيحبوها خبيها في أكله تانيه عشان يستفادو بفيتاميناتها او غيري طريقه طبخها والاكلات كتيييييير تقدري تعملي اي نوع اكل بمليون طريقه ..
- بلاش تستسهلي وتشتري عصاير وحلويات ومعلبات لان تكلفتها عاليه جدا وبتاكل المصروف وانتي مش حاسه دا غير انها غير صحيه طبعا وكلها مواد حافظه .. بدل ماتجيبي علبه عصير ب 5 جنيه لطفل واحد هاتي كيلو فاكهه واعصريه مع شويه لبن وعسل ابيض يكفي الاسره كلها وتغذيه ونضافه ..
- ماتحصريش نفسك ف اكلاتنا القديمه اللي ملينا منها وكل يوم نسأل هناكل ايه ؛ الحقيقه انها مش قصه انك مش عارفه ممكن تطبخي ايه ؛لا انتي عارفه وعقلك مخزنها كويس اووي بس مليتي منها وعشان كده عقلك رفضها ورافض يعرضها ليكي .علشان كدا جددى واتعلمى الوجبات السريعه والجديدة .
-حاولي شراء الأدوات المدرسية من المكتبات الكبيرة التي تقدم عروضً بشكل دائم، والاحسن انك تشترى اللى يكفى طفلك من أدوات للعام الدراسي بالكامل، علشان تقدرى تستفيدى الاستفادةالكامله بالعروض والتوفير في الشهور اللى بعد كدا وتوفرى لطول العام الدراسى كله
-وفري في بند الطعام واستفادى من بواقى الطعام في تحضير وجبات مدرسية لاولادك فى المدرسةمثل استخدام الدجاج الفائض من وجبة الغداء وتستغليه في عمل برجر أو كفتة دجاج وقدميه لطفلك في المدرسة، أو برجر البطاطس والخضروات من بقايا خضروات الأسبوع، أواعملى قالبً من الكيك وقدميه لأفراد أسرتك على وجبتي الإفطار والعشاء، وبكدا تحاولى تقللى من نفقات الفطار والعشا وسندوتشات المدرسة
- استغلي المناسبات في البحث عن العروض في المحلات التجارية، فمثلًا لما يقرب عيد الأم حتلاقى عروضً حلوة ورخيصه على أجهزة وأدوات المطبخ، والملابس وغيرها حاولى تستغلى الفرصة واشترى بتمن اقل
- وكذلك حاولي التخطيط لمشترياتك المستقبلية بحسب المواسم، يعنى مثلا فى فصل الصيف ترتفع أسعار أجهزة التبريد علشان كدا اشتريها انتى فى الشتاء، وبردة ممكن تشترى دفاية جديدة وبطاطين في فصل الصيف، علشان اسعارها بتبقى ااقل وممكن تجبيها بتمن ارخص ودة حيوفر معاكى كتييير
- حددي كل مناسباتك على مدارالسنة، وحددي الهدايا التي عايزة تشتريها واشتريها فى فترة و أوقات العروض والأوكازيونات ودة حيساعدك كتير فى التوفير.
-متابعة مواعيد المعارض والتخفيضات والتنزيلات
فية كتيرشركات وجمعيات تعاونيه بتقدم عروض شرائية مخفضة، ويمكن الاستفادة منها لشراء الحاجيات الاساسية بثمن ارخص.
***** في النهاية عزيزتي، اعلمي أن تحديد جدول ميزانية البيت بشكل دقيق أمر صعب، ولكن التنظيم والتخطيط الجيد لنفقاتك ووضع بنود محددة للميزانية، سيوفر عليكِ الكثير من المجهود في التدبير على مدار الشهر، وسيساعدكِ على التوفير وتجنب الأزمات
إرسال تعليق