غرزة الضفيرة لعمل مفارش السرير بالتفصيل

غرزة الضفيرة لعمل مفارش السرير بالتفصيل

بسم الله الرحمن الرحيم
انهردة حنتكلم عن اول غرزة لينا فى تعليم الاسموك هى غرزة الصفيرة غرزة سهله وبسيطة وجميله بتاخد تقريبا ضعف القماش حنتكلم بالصور علشان التوضيح

اولا -- حنرسم المربعات بتاعتنا على ظهر القماش زى ما اتفقنا وقلنا قبل كدا فية غرز على وش القماش  وغرز على الظهر بس غرزة الصفيرة على ظهر القماش واتفقنا نستخدم قلم خاص بالرسم على القماش او ماركر علشان نرسم بية بس نبعد تماما القلم الجاف يا بنات لانة مبيطلعش من القماش ماشى  طبعا حجم المربع على حسب ما احنا عايزينة حيبقى صغير لو المساحة صغيرة كبير لو المساحة كبيرة


فية ناس حتقولى يعنى اية الغرزة بتاخد ضعف القماش ودة قلتة قبل كدا انك لو عايزة تطلعى قطعة متر فى متر يبقى حتستخدمى قماش مترين فى مترين تمام كدا يا بنات

2---- حتعملى المربعات الاول وبعد كدا حتعملى فيها باترون غرزة الصفيرة وهو زى الشكل دة كدا  وطبعا مننساش اننا نسيب مسافة 5 سنتى على الاطراف ودة علشان الشكل النهائى للفنش يكون كويس

3---حنرسم بقا الشكل دة على كل المربعات وزى ما قلت قبل كدا لازم المربعات تكون سليمة ومظبوطة وكمان الرسم يكون صحيح ومظبوط بالسنتى حوريكم بقا الشكل النهائى لما يترسم حيكون ازاى

4-- والخطوة اللى فاتت دى اهم خطوة ودلوقتى بقا حشرح لكم ازاى تبدئوا تشتغلوا بالابرة الشكل على القماش وازاى تدخلوا الابرة من البداية ياريت تتابعوا معايا وتنتبهوا كويس وتشوفوا الصور

5-- حندخل الابرة من الرقم واحد زى ما موجوود فى الصورة الاولى وبعدين ندخلها فى النقطة اتنين بحيث يكون الخيط مايل زى الصور كدا بالظبط وبعدا كدا بنسحب الخيط ونتبت على الغرزة زى الصورة اللى جاية يا بنات وبكدا نبقى خلصنا اول مربع واول غرزة ماشى

6---  حنشوف بقا تانى مربع حنشتغله ازاى وياريت نلاحظ اننا سغالين على اتنين عامود وان الرسمة عكس عكاش يعنى الخطوط مايله عكس بعض واننا بنشتغل على طول العمودين حنشوف بقا المربع التانى حنشتغله ازاى

7-- زى ما واضح كدا حندخلها فى رقم واحد ونتبت على الغرزة ونوصلها برقم اتنين ونتبت على الغرزة وبالشكل دة حنكون عملنا المربع التانى
8-- وبعد كدا حنكمل بنفس الطريقة على طول العمود الاول اللى هو مربعين زى ما قلنا والصور التانية حتوضح الشكل النهائى على وش وظهر القماش

1

9---  وبعد كدا حنستمر بنفس الطريقة على كل الاعمدة كل عمودين مع بعض وحيبقى الشكل زى الصور كدا

10--- حنشتغل كل القماش اللى احنا عايزينة بنفس الطريقة كدا على طول لحد ما نخلص القطعة اللى معانا ولما تخلص حتلقوها اخدت ضعف القماش وحيبقى شكلها من قدام ومن الخلف زى الصور كدا

11--  بعد كدا بقا حنعمل الفنش بتاع الجوانب بالطريقة دى

12--- حنشوف دلوقتى سكلها النهائى ازاى

13--- وبكدا نكون خلصنا الغرزة بتاعتنا وخلينا شكل الفنش حلوو وجميل على المكنة بنثبت الاطراف بالشكل دة كدا وبكدا تكون جهزت

14--- كدا احنا خلصنا الغرزة بيتعمل منها اشكال كتير ممكن خداديات مربعة او مدورة وممكن تشتغلى بيها مفارش للسرير كمان


حنزل  كمان اشكال ليها ومخططات ليها علشان اللى تحب تعمل خدادية بيكون معاها شكل الباترون والقياس وان شاء الله حشرح ازاى نعمل منها مفرش سرير للعرايس

يارب اكون قدرت افيدكم بشرحى