غرزة المستطيل بالاسموك
بسم اللة الرحمن الرحيم والصلاة والسلام على اشرف المرسلين
وحنشرح انهردة غرزة جديدة من غرز الاسموكس
وبقالنا كذا درس نشرحة وعرفنا ازاى اننا بنسيب فى البداية 5 سنتى من عند الاطراف فى الجواني علشان الفنش يكون صح.
وازاى بنرسم المربعات وانها لازم تكون مربع واضلاعة متساوية.
وان الخطوة دى مهمة اللى عايزة تشوف الخطواط دى من البداية تشوف الغرز اللى
فاتت لانى هنا مش حكررها تانى علشان ميكنش الموضوع طويل وتحسوا بالملل حنبتدى
انهردة من خطوة رسم الباترون على القماش على طول ماشى يا بنات
الاول حنعمل المربعات بالمقاس المظبوط وعلى حسب السغل المطلوب مننا زى ما شرحنا وقلنا قبل كدا .
وبعدين حنرسم الباترون زى ما هو واضح قدامكم كدا عبارة عن مثلثات وكمان مرة اتاكدوا كويس من مقاس المربع ان كله زى بعضة واتاكدوا كويس ان الباترون او المخطط صح ومرسوم صح .
واحنا طبعا بنرقم واحد واتنين وتلاتة علشان نحدد ليكم مكان دخول وخروج الابرة وعلشان تتابعوا معانا يا بنات الشرح
ااحنا هنا استخدمنا الطباشير او الماركر فى الرسم وفية مركر قلم وفية ناس بتستخدم التباشير العادى وقبل كدا استخدمنا القلم الرصاص ولونى مش بنصح بية اوى بس الاحسن من دة كله فى الشغل وعن تجربة هو القلم الخاص بالرسم على القماش فياريت نجيبة احسن يا بنات فى الرسم حيريحكم اكتر واول ما تخلصوا الشغل تغسلوا القماش .
....بينزل اللون فى المية وبترجع القماشة زى الفل والشغل نظيف وجميل
المهم نرسم صح المخطط ومنغير اى لخبطة
الغرزة دى من الغرز البسيطة اللى بتترسم على ظهر القماش وتطلع الشكل على الوش ....بتاع القماش عادى ومنغير اى تعب .
والحلو فى الغرزة دى انها ممكن تبقى غرزة الفيونكة او الفراشة انتى وراحتك فى التسمية
لو حطينا ليها لولى على وش
القماش زى ما حنوريكم فى الشرح فياريت تتابعوا معانا يا بنات
الخطوة اللى جاية دى نسيناها نعملها قبل كدا وهى اننا نحرق اطراف القماش وخصوصا لو بنشتغل على قماش الستان لانة بيتنسل وبسرعه ولو انتى عندك مكنة اوفر خلاص سرفلى الجوانب قيل الشغل لو معندكيش خلاص احرقى الاطراف واشتغلى على القماشة المهم متنسلش منك وانتى بتشتغلى علشان الفنش والمقاش يكون مظبوط
شكل الباترون بعد ما بينزل على القماش بيكون كدا طبعا انتى بترسمية على كل القطعة المطلوبة منك المهم يكون صحيح
كدا احنا تمام جهزنا كل حاجة حتى الاطراف حرقناها علشان التنسيل حنتدى بقا فى الغرزة وازاى بنعملها طبعا زى ما انتو شايفيين فى الصور وزى ما عملنا قبل كدا بندخل الابرة فى رقم 1 وبعدين رقم اتنين ويعد كدا رقم تلاتة وبنسحب الخيط وبنصم الاطراف على بعص وبعد كدا نتبت جامد على الغرزة اسيبكم بقا تشوفوا الكلام دة كله بالصور
لحد كدا احنا خلصنا اول غرزة او اول مثلث
بكمل بنفس الشكل ونفس النمط الشكل باقى الغرز فى القماشاللى مطلوب منك انك تشتغلية لحد ما يخلث معاكى كل القماش .
عارفة فية بنات بتقول انة صعب وشغل الاسموكس صعب وعايز طوله بال بس النتيجة
لما بتظهر بتخليكى تحسى بفرحة انك عملتى حاجة حلوة وعملتيها بايدك انتى
نتابع بقا بالصور باقى السرح وازاى بنخلص باقى المثلثات وباقى الغرز لحد النهاية
وكدا احنا خلصنا كل الشغل بتاعنا وخلصنا كل الغرز على كل القماش المطلوب مننا .
حوريكم بقا شكل الغرزة على الظهر بتكون ازاى يا بنات واللى تلاقى الظهر عندها مش زى الظهر هنا دة معناه ان فية غلط عندها معلش تفك اللى عملتة وترجع تعيدة تانى لازم الظهر والوش يكونوا زى الصور كدا يا قمرات
وفية حاجة كمان عايزة اقولها ان الظهر كمان فية ناس كتير بتحب شكله يعنى ينفع يبقى غرزة للشغل يا بنات واللى عايزة كدا ترسم الباترون على الظهر وبكدا الظهر حيبقى على وش القماش ماشى يا بنات
ودة شكل الغرزة على وش القماش بس علشان تظهر اكتر وتبان لازم نكويها علشان المستطيلات تبان اكتر وتتحدد اكتر ودى تعتبر الغرزة الوحيدة اللى بنحتاج فيها للمكوى علشان تبان الباقى مش بيحتاج اوى للخطوة دى .
هنا واحنا بنقوم بكوى القماش زى ما قلتلكم قبل كدا ودى خطوة مهمة واساسية
هنا بقا الخطوة المهمة اننا بنحول الغرزة لغرزة تانية غرزة الفيونة او الفراشة سميها اللى تحبية بس الخطوة دى مهمة وحلوة وفية ناس بيخلوا شغلهم نصة مستطيل ونصة فيونكة او فراشة .
طيب ازاى بنعمل الخطوة دى باننا بنحط فى نص المستطيل اللى هو على وش القماش واحدة لولى او خرز براحتك المهم يكون من النص بالظبط علشان الفيونكة تكون مظبوطة يا بنات ويكون شكلها النهائى والفنش بتاعك صحيح
كدا احنا الحمد لله خلصنا شرح الغرزة بالتفصيل يارب تكونوا فهمتوها ويارب يكون عجبكم الشرح وعلى فكرة احنا عملنا بالغرزة دى شنطة قطيفة ومنزلينها فى قسم الاعلان عن منتجاتنا للى تحب تشوف الغرزة على الطبيعه وازاى ممكن نشتغل بيها وازاى شكلها بيكون حلو فى الشغل
وبارب اكون قدرت افيدكم بالشرح
إرسال تعليق