الملاية الرنر من الالف للياء بكل الخطوات
..........................................
بسم الله الرحمن الرحيم والصلاة والسلام على اشرف المرسلين
كمية القماش المطلوبة
..............................
احنا حنحتاج للطقم دة 4 متر ونص قماش
زى ما قلنا المقاس الكويس هو الملاية مترين ونص
وباقى المترين حيكون للمخدتين والخداديتين ودى مقاسات كل الملايات الكبيرة يا بنات الاختلاف بقا لما بيكون فيها قصة ودى اللى حنشرحة مع كل موديل لوحدة
الشرح
................
1_ طول السرير ٢٠٠ سم وزياده ٥٠ سم لتحت المرتبه من الناحيتين
هنقص الطول ده على ٣ شرايح تمام او حنستخدم بواقى القماش اللى عندنا ازاى
بقا حقولك احنا اتفنا الملاية مترين ونص والمودل دة بيتعمل شرايح قماش حتقصم
زى ما حوريكم كدا فى النقاط الجاية فلو عندك قماش نفس المقاسات مترمهوش
ووصبيهم بقا مع بعض ماشى يا بنات ولو عندك قطعتين تمام وصليهم مع بعض
المهم طول الملاية من عند البرسل مترين ونص
2_ اول شريحه هنبقى اللي من ناحيه راس السرير طولها ١٦٠ سم وعرضها
٢٤٠سم وهتكون الساده الفاتح تمام
3_ التانيه ٣٠سم طول وعرض ٢٤٠ سم وهتكون المشجر في النص تمام اللى
احنا بنقول عليها الرنر مجازتا ماشى يا بنات
4_ والتالته ٦٠ سم طول وعرض ٢٤٠ سم وهتكون الساده الغامق من ناحيه اخر
السرير اتجاه الرجل
اجمالي الطول ٢٥٠ سم بعرض ٢٤٠ تمام
5 _ ونحط في الفواصل المتوصله جوبير او كولفه حسب المتوفر عندك تمام دى
بتنحط ازاى بعد ما تخيطى قطع القماش مع بعض على تيجى على الوش وتدارى
الخياطة بيها علشان تديكى منظر جمالى اكتر وتدارى الوصلات
بتنحط ازاى بعد ما تخيطى قطع القماش مع بعض على تيجى على الوش وتدارى
الخياطة بيها علشان تديكى منظر جمالى اكتر وتدارى الوصلات
6 _ تعالى بقا ندخل على الخداديات والمخدات الخدديات بتبقى طولها ٧٠
وعرض ٥٠ هنقص الساده شريحتين بعرض ٥٥ سم وطول ٢٥ سم وشريحه
مشجره بعرض ٥٥سم وطول ٢٥ سم والضهر ساده بالقلاب عرض ٥٥*٩٠سم
تمام
7 _المخده الطويله بنحط ليها شريطين ارتفاع ١٠ سم على كل بوز للمخده
والافضل طبعا الشريطه تكون متطبقه اتنين تبقى ٥ سم في الشكل بتبقى اقيم بس
كدا خلصت الملايه مفيش اسهل ولا ابسط من كدا وبردو هنستنفع بالقماش الفايض
عندنا
8- دى نصيحة منى ليكم لكل ست وربة اسرة حاولى على قد ما تقدرى مترميش
القماش اللى عندك استفادى منة فى مودلات تانى ومتخفيش من الخياطة او القص
لو خفتى قصى على قماش قديم عندك الموضوع مش صعب ولا حاجة
واهم حاجة وانتى بتخيطى تكون الخياطة فى خط مستقيم والفنش حلو وسليم
يارب الشرح انهردة يكون افادكم يارب
إرسال تعليق