الستارة الملس من البداية للنهاية
*********************ناس كتير جدا طلبت مننا طريقة عمل الستاير وان شاء الله حنشرح عمل الستارة من البدايه ومن الاساسيات كمان .
واحنا حنبتدى معاكم الستاير انهردة بالستارة الملس
الستارة الملس بتنطلب كتير جدا وشكلها حلو اوى وممتازة وخصوصا على المساحات الكبيرة والواسعه من الحيطة للحيطة
لاكن انهردة حنشرحة على مساحة متر ونص واللى فيكم عايز مساحة اكبر يزود فى كمية القماش المطلوب للتنفيذ
المطلوب مننا لتنفيذ الموديل
******************
البرقع ده هيتعمل ع مساحة متر ونص القماش هنا يفضل يكون حرير عشان يكون في انسيابيه ويدينا شكل حلو
يعنى مينفعش ابدا ونهائى على قماش ناشف ومش طرى لان كدا مش بيدى الشكل الجمالى النهائى المطلوب فكل ما كان القماش طرى وفية انسيابية كل ما كان احسن
وكل ما ادنا الشكل النهائى والفنش المطلوب
وفية انواع كتير من القماش الطرى زى الشيفون الطرى مثلا .
يعنى اهم حاجة الليونة فى الخامة
هناخد قماش ٤.٧٥متر (خمسه الاربع) عرض٢٨٠سم .
٥متر ونص شريط اتنين فتله اكنز حاجه (ناخد بالنا ف اتنين فتله عريض)
٥متر شريط ستارة عريضه
طريقه التنفيذ
*********
نبتدي نشتغل بقي القماش هناخد منه قطعتين اتنين متر ف ٢٨٠ (عرض القماش) دول الجناب
هيتبقي قطعه عرضه ٧٥سم ف280سم هنشيل من ٢٨٠ سم(٨٠سم)
هتبقي عندنا اتنين متر ف ٧٥سم (المرايه )هنقسمها الي ٦ مسافات بالمارك
كل مسافه ٣٣سم هيتبقي ٢سم للخياطة ١سم من كل جهة
بعد ما قسمنا المرايه وعملنا العلامات بالمارك هنركب الشريط الانتين فتله
ع علامة المارك (زى ما موجود فى صورة الباترون بتاعها)
وهنركب الشريط.العريض.من فوق كده خلصنا المرايه
بنتدي نكشكش الشريط الاتنين فتله نشدة علشان يدينا الكشكشة المطلوبة
هيديكي شكل الفستونات دي
والشريط العريض الي فوق هنكشكش فى نص الفستونه بس بسيط
بحيث الشكل يتظبط
وبكده خلص البرقع واي سؤال تحت امركم.
احب انى اقول اننا بعد كدا حنشرح مودلات كتير وبالصور وبالخطواط وحنشرح الستارة من بدايتها وطلباتها فارجوا منكم المتابعه معايا من البدايات واى استفسار ممكن تراسلونا على المدونة هنا وتسيبوا اسئلتكم او تتواصوا معانا على صفحة الفيس بوك
إرسال تعليق