طريقة عمل سجادة من خيط الكليم وبوااقى القماش

طريقة عمل سجادة من خيط الكليم وبوااقى القماش

......................................................

بسم الله الرحمن الرحيم 

خيط الكليم بانواعة المصرى والتركى  ممتاز جدا فى شغل الكروشية .

واعادة تدوير الاشياء القديمة حاليا الكل مهتم باعادة التدوير اليوم حنستخدم خيط الكليم فى فكرة لاعادة التدوير  علشان نستفاد بكل حاجة موجودة عندنا لافضل الطرق .

خيط الكليم احنا اتكلمنا عنة قبل كدا وقلنا فية خيط كليم مصرى وفية خيط كليم تركى 

ووضحنا شكله والوانة وانواعه والفرق بين النوعين المصرى والتركى وقلنا كمان امتى نستخدم خيط الكليم المصرى وامتى نستخدم التركى وايهما افضل فى شغل الكروشية.

واتكلمنا عن ابر الكروشية باستفاضة وخصوصا الابر اللى نستخدمها مع خيط الكليم 

انهردة بقا جيبالكم فكرة جديدة جدا جدا جيبالكم فكرة ممكن تستفادى منها من بواقى القماش اللى عندك وتعملى منة خيط كليم فكرة لاعادة تدوير الاشياء من اى بواقى قماش .

جديد لو انتى خياطة وعندك بواقى قماش جديد ومش عارفة تعملى بية اية او لو عندك قماش قدبم تيشرتات او اى ملابس تانية قديمة مترميهاش بردة ممكن تستخدميها وتعملى منها خيط كليم ومن خيط الكليم تستخدمية فى عمل السجادة بخيط الكليم ومش تستفادى وبس من الملابس القديمة وتحويلها لخيط كليم لا وتستفادى كمان من بواقى الخيط الصوف اللى عندك وتشتغلى بية السجادة دى ....

كلنا عارفين طبعا الطريقة العادية لما بنعمل سادة من خيط الكليم بنروح نشترى بكرة او اتنين على حسب الكمية اللى احنا عايزنا واللوان اللى بنحبة ونشتغل بية السجادة بخيك الكليم والغرزة والشغل بيكون بابرة كبيرة زى ما وضحنا قبل كدا وبيكون الشغل بالطريقة دى كدا زى الصور.

لاكن الفكرة انهردة مختلفة تماما مفيهاش اى شراء خالص لاى خيوط خالص كل اللى عليكى انك تقصى بواقى القماش عندك على شكل شرايط بالعرض اللى تحبية 3 سنتى او 4 سنتى او اكتر براحتك مش حتفرق معانا خالص

ومش حتحتاجى كمان لابرة كروشية كبيرة لا حتشتغلى بابرة كروشبة صغيرة

زى ما قلنا حتقصى بواقى القماش لشرايط وتوصليهم ببعض وتعملى منهم بكرة كبيرة

وتجيبى بواقى القماش وتشتغلى بغرزة المنزلقة او غرزة بلفة براحتك حولين القماش زى الصورة كدا

فى الاول حتجيبى خيط الكليم اللى عملناه من بواقى القماش وتلفية دابرة صغيرة وبعد كدا حتشتغلى علية زى ما قلتلك بغرزة المنزلقة او عمود بلفة وتكملى مع خيط الكليم علشان تعملى دايرة وتكبرى الدايرة براحتك لحد ما تعملى منها سجادة بخيط الكليم بالحجم اللى انتى عيزاه كما هو موضح فى الصور ...

ولما تكبريها وتمشى مع الدايرة حتبقى احلى سجادة مدورة بخيط الكليم اللى عملناه ببواقى القماش وعملناله اعادة تدوير وحيبقى شكلها كدا زى الصورة

                                                                          

وبعد بقا ما تخلصى لازم تعمليلها حلية كدا بسيطة على الجوانب باى غرزة جمالية على زوقك بس علشان تحلى الاطراف ويكون الفنش بتاعك حلو وممتع وجميل

ونصيحتى ليكى بلاش تكترى فى الغرزة اللى على الاطراف يعنى غرزة بسيطة كدا زى الصورة تشطبى بيها شغلك بشكل جمالى بسيط وهادى 

فية بنات بقا حتقولى طيب مش عيزاها سجادة مدورة حقولها براحتك 

انتى ممكن تعملى بنفس الفكرة الحلوة دى سجادة مستطيله بالطول والعرض اللى انتى عيزاه وبتفضلية وممكن تعملى منها مشاية صغيرة تحطيها على عتبة باب الشقة او عتبة باب اى غرفة من غرف بيتك

اهو حيبقى شكلها زى كدا يا بنات دى فكرة حلوة واعادة تدوير الاشياء القديمة والملابس وبواقى الخيط الموجود عندك وياريت بردة تجملية فعلى الاطراف بغرزة بسيط علشان شغلك النهائى يكون بفنش حلو ونظيف يارب اكون قدرت افيدكم جميعا بالفكرة دى