طريقة قص ملاية السرير القطن العادية (الفلات) خطوة بخطوة

قص الملاية  القطن العادية (الفلات)

...........................................

بسم الله الرحمن الرحيم

انهردة حنشرح طريقة قص الملاية القطن المصرى العادية اللى بنقول عليها الفلات مع بعض النصايح علشان يكون شهل عليكى القص والتفصيل وشراء القماش كمان يا بنات وحاحاول انزل صور للشرح اتمنى تعجبكم وتشتفادوا كلكم منها.

1-القاعدة الاولى لما تنزلى تشترى قماش امسكى القماش بايدك وشوفية ناعم ولا خشن بالطبع تختارى القماش الناعم.

2- بطرف لسانك بلى الجزء الملون فى القماش  وافركية بايدك لو لقيتى لونة ثابت يبقى تمام خدية لقتية بيبهت لا تسبية.

3- شدى القماش بايدك ثابت ومليان ولا بيسقط لو بيسقط لا تسبية مش كويس.

4-المقص.. بقا هاتى المقص سنجر ايطالى وحلو رقم 8 واهم حاجة سنة ميكنش حاد يكون كويس  وهو سعرة على حسب رقمة.

5-  المقاس ..... ودة اللى لازم تكونى عرفاه كوبس بعنى وانتى نازله تشترى لازم تعرفى المقاسات اللى انتى عيزاه وعارفة كام متر حتشترى علشان لا تشترى اكتر ولا اقل 

والمقاسات دى ثابتة افهميها واحفظيها معايا كويس

-السرير الكبير مقاس 160 بياخد 4  متر ونص قماش

-والسرير 120 اطفال بياخد 3 متر ونص قماش لو سريرين يبقى 7 متر.

-السرير الصغير متر بياخد 3 متر قماش لو الاتنين يبقى 6 متر

 6-تمام كدا يا بنات لازم طبعا المازورة والخيط ولازم الخيط يكون نفس لون الملاية مينفعش خيط لونة مختلف علشان الفنش بكون حلو.

7- كدا تمام اشترينا القماش وجهزنا كل طلباتنا نبتدى بقا بسم الله  وتبدقوا معايا خطوة خطوة يا بنات  حتبدئى ازاى ركزوا معايا.

8- القماش طبعا 4 متر ونص جاى مطبق من عند التاجر حنقصة وهو مطبق يا بنات 

9-حتمسكى القماش بتطبقتة وهو متنى على اتنين من عند البرسل تمام كدا وتقيسى مترين ونص وتقصى ماشى يا بنات وخلى بالك احنا بنقص وهو متنى معانا ماشى كدا انتى طلعتى الملاية ماشى كدا 

10- لو عندك بقا مكنة اوفر يعنى مكنة سرفله 3 فتله 4 فتله اللى عندك سرفلى بقا ال 4 جناب معندكيش مش مهم على المكنة واتنى ال 4 جهات كدا تمام وكدا انتى خلصتى الملاية اظن مفيش اسهل من كدا خالص 

11- واحدة واحدة معايا بقا فى المترين اللى فاضليين يا بنات اهو صورتهم وهما متنيين بردة ماشى 

 12- حتمسكوا المترين دول وهما متنيين ماشى ومن عند البرسل بردة ماشى حتقصوهم اتنين حيبقى عندك قطعتين قماش كل واحدة متر فى مترين و40 سنتى دة  عرض القماش الطبيعى كدا تمام

13- وبعد كدا حتردى القطعة بطولها من عند البرسل متر تمام ومن عند عرض القماش مترين و40 ينتى حتيجى من عند القطعة 240 ينتى وتقيسى 150 سنتى ماشى كدا يا بنات وتقصى حيبقى عندك قطعتين  قطعة 150 سنتى فى متر ماشى وقطعة 90 سنتى فى متر بردة كدا تمام يا قمرات 

 14- القطعة ال 150 سنتى فى متر دى المخدة الكبير ماشى يا بنات  تطبقيها بالطول حتيجى للجهة اللى بالطول تخيطى وتسرفلى  وتخيطى من مكان دخول المخدة كدا يبقى كيس المخدة جاهز وتمام والملاية كمان فاضل معانا اية الخداديات صح كدا

15- حنيجى بقا للقطعه ال 90 سنتى  فى متر حتطبقيها من نحية المتر حتبقة 50 فى 90 سنتى وهى مطبقة كدا تمام

16- كدا اظن الشكل واضح تيجى بقا من فوق وتقصى من الطبقة اللى فوق اللى تحت لا خليها زى ما هى اللى قوق تقيسى 65 سنتى وتقصى الباقى دة مش عايزينة طلعية برة ممكن تعملى منة كورنيش يغير او فيونكة حلية للملاية 

زى ما واضح فى الصورة كدا

وبعد كدا تتنى الطراف بالشكل اللى واضح فى الصورة ماشى كل طرف لوحدة 

-17- وبعد كدا تحطى الطرف الطويل تحت الصغير علشان المرد بتاع الخدادية يكون لجوة وبعد كدا تخيطى بقا من الجمب ومن تحت وتسرفلى بعد كدا وبالطريقة دى تكون الخداديات كمان خلصت

وبكدا نكون خلصنا بفضل الله سبحانة وتعالى خياطة الملاية العادية الفلات والمخدات والخداديات بمرد يارب اكون عرفت اشرح واكون عرفت اوصل ليكم المعلومة