اساسيات خياطة الملايات

اسيات خياطة الملايات

بسم الله الرحمن الرحيم
فى هذا القسم ان شاء الله حنحاول نعلمكم بطريقة مبسطة مقاسات طقم الملايات الكبير وطقم الملايات الصغير وازاى تعرفى تقصى

 باحترافية من الالف للياء وحنعلمكم يا بنات مودلات مختلفة لاطقم  الملايات وانواع واسماء القماش الجيد للملايات وازاى تقصى

الملاية والقماش متنى واشكال مختلفة لبرسل القماش علشان تعرفى تفرقى بين القماش وبعضة علشان متتغشيش وانتى بتشترى

ويارب اقدر افيكم كلكم

فى البداية طقم السرير الكبير بياخد 4 متر ونص يا بنات مترين ونص للملاية والمترين التنيين بيكونوا علشان المخدتين والخداديتين 

ودة حنتعلمة بالتفصيل وواحدة واحدة واحنا بنقص المقاسات دى للملاية الفلات او للملايات العادية لان فية اشكال كتير للملاية وبردة 

دة حنتعلمة واحدة واحدة وبالقص  لان فية ملايات بكسر من جمب واحد وملاية كسر من الجمبين وملاية كسر من ال 3 جوانب وكل 

واحدة ليها مقاسات مختلفة ودة حيظهر لينا وحنعرفة ونتعلمة مع بعض واحنا بنقص ونخيط كل ملاية لوحدها يعنى حنعرفة بعد كدا 

بالتفصيل اكتر دى اول معلومة لاول ملاية لينا وهى الملاية الفلات او العادية 

وزى ما قلنا المترين ونص بتوع الملاية والمترين اللى حيتفضلوا تقضوا من عند البرسل قطعه بطول 160 فى عرض 90 وهو متنى دول للمخدتين والباقى نقض منهم  الخداديتين 
ولازم تخلوا بالكم انكم لما تقوا المخدات تقصوا القطعه المتبقية من المترين حتكون مقاسها 50 سنتى تقصوها بطول القماش كله للاخر علشان دى القطعه بتاعت وش الخداديتين والباقى حيكون ظهر الخداديتين سواء كانت الخدادية بقلاب او منغير

دى كدا الاساسيات بتاعت الملاية واساسيات القياس والقص طبعا بتختلف بقا مع اختلاف مودلات الملايات ودة حنوضحة اكتر مع كل ملاية حنشرحها مع بعض بالتفصيل

 ومن الاساسيات كمان كورنيش الملاية ودة بيكون متر قماش شواء كان قماش ملاية او شيفون لازم بتجبية متر وتقصية على الانين حيطلع معاكى قطعه بطول 480 وعرض 50 سنتى بعد ما بتوصبيهم ببعض وتركبيهم فى الكورنيش ودة لجنب واحد معنى كدا انك لو حتعملى جمبين يبقى اية يبقى حتجيبى اتنين متر وتقصيهم وتركبيهم مع بعض



ودى اهم اساسيات الملاية وان شاء الله حتوضح اكتر مع قص وخياطة كل موديل حنشرحة مع بعض وان شاء الله الشرح كله حيكون خطوة بخطوة وبالصور