خيط الكليم واستخداماتة فى الكروشية واسعارة واتواعة

خيط الكليم واستخداماتة فى الكروشية واسعارة واتواعة

بسم الله الرحمن الرحبم

............................

اليوم حنتكلم بشكل مبسط وبالتفصيل عن خيط الكليم وانواعة وازاى نعرف نفرق بين 

انواعة المختلفة وكمان ازاى نعرف نختار الابر المناسبة لية وازاى نختار النوع المناسب

لينا ولشغلنا علشان نطلع منتج جميل ونعرف نبيعه واسعارة كمان  ويارب اقدر افيدكم 

فى الشرح واكون ضيفة خفيفة معاكم 

ما هو خيط الكليم 

الكثير منا لا يعرف اى شىء عن خيط الكليم حنحاول نعرفة هنا بطريقة بسيطة 

خيط الكليم هو أشرطة طويلة مصنوعة من القماش بخامات مختلفة و متنوعة منها القطن 

واليكرا والكتان.ألوانه زاهيةوجميله ورائعه ودرجات الوان مختلفة ويوجد منه درجات 

جودة مختلفة منها الرخيص ومنها الغالى ولاكن الموجود بكثرة فى الاسواق المصرية نوعين 

1- خيط الكليم التركى 

2- خيط الكليم المصرى

والخيط المصرى فية منة الرخيص اللى هو العادى وفية منة اللوكس

انواع خيط الكليم المختلفه

فية نوعين من خيط الكليم النوع التركى والمصرى وحشرح 

بالتفصيل مع الصور كل نوع 

1- خيط الكليم التركى 

.

خيط الكليم التركى (ريبون) ودى ماركة تركى ودى اعلى واغلى ماركة فى خيط الكليم 

التركى 000 التركى طبعا احسن من المصرى فبتلاقى درجة اللون ثابتة وتخانة الفتله 

ثابتة وشغله ممتاز وانتاجة رائع

2- خيط كليم مصرى

ودة بقا فية نوعين نوع مصرى رخيص شكله وحش جدا والوانة باهتة وبيمط جامد 

وشغله مش حلو ورخيص جدا فى السعر  ولفة البكرة مش منتظمة ودى صورتة

وفية بقا النوع المصرى السوبر لوكس دة بقا اللى تشترية بتلاقية ماسك نفسة وفية مطة 

بس  مش كتير ومش سايب زى العادى والبكرة بتكون للفتها متناسقة ومتماسكة زى

 الصورة كدا

اهو دة شكل الخيط المصرى السوبر لوكس شايفين شكله ازاى متناسق ولونة ثابت وحلو 

متخانتة واحدة وفى الصورة بكرة الخيط المصرى العادى وبكرة الخيط اللوكس

طيب حوريكم بقا صورة للخيط المصرى السوبر لوكس ووالخيط التركى علشان نعرف 

الفرق بنهم لما نبجى نشترى 

الصورة الاولى دى شكل خيط الكليم المصرى

والصورة دى خيط كليم مصرى وخيط كليم تركى يارب الفرق بنهم يكون واضح ليكم يا بنات

الصورة التالتة دى صورة لخيط الكليم التركى بس 

كيفية اختيار بكرة خيط الكليم الصحيحة 

طيب حوريكى بقا دلوقتى ازاى تختارى بكرة الخيط الصحيحة الاول علشان تختارى صح لازم الاول تحددى انتى محتاجة خيط الكليم فى اية بالظبط لو محتجاه فى صنع شنطة فالافضل انك تختارى الخيط اللى تخانتى اقل من 3 سنتى والاحسن لو تشتغلى على خيط الكليم التركى ودة لية بقا علشان وزن الشنطة يكون خفيف لاكن لو حتشتغلى كليم او باسكت او سرير اطفال فالافضل انك تشتغلى بخيط الكليم المصرى السوبر لوكس وعلى فكرة دة سعر الكيلو منة ب 30 جنية وفية مناطق اقل ب 25 وفية مناطق اغلى لية بقا حتختارى خيط الكليم المصرى لانة اتقل وارخص لانك حتحتاجى كميات كتيرة من الخيط وبكدا تقللقى التكلفة النهائية للمنتج بتاعك وممكن تشتغلى على فتلتين لو عيزاه اتقل كمان 

ازاى اشوف تخانة الفتله وازاى اشوف اذا كانت البكرة دى كويسة ولا مش كويسة

ودة سؤال كويس اوى يا بنات ولازم نعرف الاجابة علية قبل ما نشترى الخيط

الاول تعرفى تخانة الخيط وسمكة كام سنتى بانك تفتحى الخيط زى الصورة كدا وتقسية كام سنتى وزى ما قلتلك الاقل من 3 ينتى للشنط والاكبر للكليم والباسكت وسرير الاطفال وغيرة

تمام كدا احنا شوفنا منين بيبان تخانة الخيط لازم بقا تشوفى الخيط من جوة البكرة من جوة وتفتحية وتشوفى البكرة من جوة نفس التخانة والمقاس ولا لا وتتاكدى انها من جوة نفس اللون وكمان  نفس المقاس 

زى الصورة كدا 

طيب لو لقيتة من جوة اتخن شوية يبقى بالمقص واظبط المقاس 

طيب لو لقيتة رفيع يبقى اشتغل على فتلتين المهم يبقى فية تناسق 

فى المقاس فى الشغل

الابر المناسبة للشغل بخيط الكليم 

الاول نتفق اية هى المقاسات بتاعت الابر اللى حنشتغل بيها خيط الكليم لان مش اى ابرة ولا اى مقاس ينفع مع خيط الكليم

احنا حنشتغل على ابرة من اول مقاس 6لحد نمرة 20 يعنى ابرة 6 و7 و8 و9 و10 و12و15 و20  والافضل ابرة 10 واكبر 

الابر الكبيرة بتاعت ال 15 وال 20 دى بنستخدمها لو حتشتغلى الخيط مجوز  ودة ممتاز 

للسجاجيد علشان بيدى تقل للكليم وثبات اكتر فى الارض 

ملحوظة

.................

لو عايزة الشغل ماسك وجامد نختار ابرة صغيرة ولو عايزة الشغل مرتاح معاكى 

والغرزة واضحة نختار ابرة كبيرة 10 وما فوق وانا عن نفسى بفضل الغرز تكون 

مرتاحة علشان الشغل والفنش بيكون احسن وهنا بقا بنيجى لاهم سؤال 

ازاى اختار الابرة الصحيحة علشان اشتغل بيها

ودة طبعا سؤال مهم جدا لاننا لو اخترنا الابرة الصحيحة حيطلع الشغل سليم 

علشان كدا لازم نعرف ازاى نحدد رقم الابرة الصحيح علشان كدا ركزى معايا فى الكلام وفى الصور

لازم تختارى الابرة اللى الخيط بيكون فيها مالى الفراغ بتاع خطاف الابرة زى الصورة دى كدا

وبلاش يكون فيها فراغ كبير والخيط اصغر من مكان الخطاف وسايب فراغ زى كدا

لان كدا بيكون الغرزة واسعة اوى وشكلها مش حلو والشغل مش متماسك ولا متناسق 

ولا يكون الخيط مالى الفراغ وطالع برة من خطاف الابرة زى كدا لان  كدا بتطلع

 الغرزة دقيقة وماسكة جامد وشكلها مش حلو وتوجع الايد فى الشغل

كدا احنا اتكلمنا بالتفصيل عن خيط الكليم وكل حاجة عنة وبارب اكون قدرت افيكم يارب