معلومات عامة ومهمة للاسموكس

• معلومات عامة ومهمة للاسموكس
• 
  

فن الاسموك او فن طى القماش من اجدد واحلى فنون الهاند ميد وعلشان نفهم  الاسموك لابد من ان يكون عندنا صبر كتير لانة بياخد

وقت كبير بس النتيجة النهائية بتكون ممتازة وزى ما قلنا قبل كدا انة فن طى القماش ودة معناه انة بيحتاج قماش كتير جدا علشان

تقومى بطية حتى يصبح على الشكل والمقاس المطلوب منك ........

 للاسموك غرز كتيرة جد فية غرزة النخله وفية غرزة الصفيرة

وفية غرزة القلب وفية غرزة السهم ومن اشهر واحلى الغرز غرزة الياسمينة اللى

 ليهااكتر من 20 شكل مختلف ودة كله ان شاء الله

حنتعلمة مع بعض وحنشرحة بالصور بعون الله ................

 ودلوقتى حنشرح بطريقة مبسطة اوى ازاى بنشتغل الاسموك على

القماش اننا لازن نعرف الاول مقاس الغرزة فى الشكل النهائى عايزنا صغيرة ولا كبيرة لو صغيرة يبقى لازم تكون على مساحة

صغيرة زى خدادية او فوطة مثلا اما الغرز الكبيرة دى بتكون على مفارش السرير ومفارش السفرة  وكمان لازم نحدد شكل الغرزة

اللى مطلوب مننا ومختارينة وبعد كدا على ظهر القماش ونعمل مربعات لو عايزة الغرزة صغيرة بيبتدى ضلع المربع من سنتى

ونص لحد اتنين ونص سنتى مش اكبر من كدا ولو غرزة كبيرة بتبدى من 3 سنتى لحد 5 سنتى بيكون ضلع المربع مش اكبر من كدا

الا لو كان باترون المودل بيكون مطلوب منك مقاس اكبر من كدا وبعد كدا بتشوفى الغرزة المربع بترسمية على وش او ظهر القماش

لان فية غرز فى الاسموك بتترسم على وش القماش زى غزة الياسمينة  وكمان لازم نحسب المساحة اللى المفروش اننا بنشتغلها

بالغرزة وكل غرزة بتاخد قد اية من القماش وفى اغلب الاوقات الغرز بتاخد صعف القماش يعنى لو عايزة قطعة متر بالاسموك لازم

يكون عندك مترين قماش او اكتر وفية غرز بتاخد ثلاثة اضعاف القماش علشان كدا لازم تعرفى تحسبى كويس وتجهزى كمية

القماش بعناية كبيرة جدا وكمان تحددى طول وعرض قطعة الاسموك اللى انتى عيزاها بالظبط وبعد كدا بترسمى المربعات على

حسب المقاس المطلوب منك وكمان ترسمى عليها شكل الباترون والغرزة اللى انتى عيزاها وبكدا تكونى جاهزة للشغل بس المهم فعلا

انك ترسمى المربعات بدقة وكمان ترسمى الباترون بالظبط كمان لازم تجهزى ادواتك المطلوبة علشان تشتغلى بسرعه واحتراف

يعنى لازم تجهزى الخيط ويكون نفس لون القماش وتجهزى اللولى او اى استرس بتحددية انتى على زوقك او بيكون موجود عندك

فى المودل المطلوب منك تنفيذة لازم ابرة خيط كويسة ورفيعه وتكون العين بتاعتها واسعة  وكمان مقص حاد وله سن مسطرة

علىشان تقدرى تقيسى بيها المربعات بتاعتك واهم حاجة قلم خاص بالرسم على القماش ودة بيكون  مهم لانك بترسمى بية وبعد كدا

بتغسلى القماش فبيروح منة اى ريم علية وبكدا بتكونى جاهزة علشان تجهزى اى قطعه اسموك انتى عايزة تنفذيها  ان شاء الله بعد

كدا حنشرح كل غرزة وطريقة تنفذها بالصور

ومن المهم جدا انك تكونى ملمة باشكال الغرز المختلفة ومتابعه دايما وباستمرار كل جديد لان كل يوم بتكون فية غرز جديدة فى الاسموكس ولازم يكون شغلك ممتاز ونظيف والفنش النهائى جميل وكمان تتاكدى ان الغرزة اللى بتقومى بتنفيذها هى نفس الغرزة المطلوبة منك 
وحاجة اخيرة بس لازم تعرفيها ان مش كل القماش ممكن نشتغل علية الاسموكس 

فية قماش بيكون طرى جدا ومسامة واسعة دة مينفعش معانا خالص شكل الغرزة مش بيكون واضح وبردة القماش الخشن زى مثلا الخيش بردة مش بيكون حلو الشغل فية علشان كدا اختبرى الاول القماش قبل ما تشتغلى علية 

ومش كل الغرز بتنفع مع كل انواع القماش  فلازم تحددى نوع القماش ونوع الغرزة اللى حتشتغليها علية يعنى فية غرز بتليق مع الجينز وفية غرز لا

وفية قماش جلد بيكون خفيف زى قماش الجواكت الجلد دة ممتاز فى شغل الاسموكس
علشان كدا لازم تختبرى القماش مع الغرزة قبل ما تبدئى الشغل عليها