انواع قماش الملايات المختلفة وازاى تعرفى تفرقى بينهم حصرى وبالصور

انواع  قماش الملايات وازاى افرق بينهم

.................................................................

بسم الله الرحمن الرحيم والصلاة والسلام على اشرف المرسلين 

النهاردة ان شاء الله هشرح انواع  قماش الملايات و يارب الكل يكون حاضر معانه ويركز   ويارب الكل يستفاد معانا لان الموضوع دة مهم لالاننا ساعات كتير بنتخم من التجار مبنعرفش القماش دة صحيح  خامتة حلوة ولا خامتة وحشة الاول نتكلم على الخامات الحلوة هى اية والخامات الوحشة هى اية

الخامات الحلوة هى الخامة القطن اللى الكل بيفضلها لانها بتدفى فى الشتا ومش بتحرر فى الصيف كان زمان فية العامرية بس حاليا مفيش العامرية فبلاش تصدقى اى تاجر يقولك قماش العامرية بس حاليا فية القماش الهاى تك دة بديل للعامرية والقماش فية نسبة قطن عالية .

وبعد كدا فية الخامة البوليستر ودى خامة مش حلوة بس موجودة فى السوق وناس كتير بتستخدمها وفية كمان الميكرو فيبر بردة حلو مش وحش بيقولوا علية مخلوط وبردة البوليستر مخلوط كله مخلوط مع القطن بس بنسب مختلفة بس الميكرو فيبر احسن من البوليستر .

فية ناس كتير تقولك عايزة قماش قطن بس مش بيوبر ودى معلومة غلط يا بنات القطن لازم يوبر وكل ما وبر اكتر كل ما كانت فتله القطن فية احسن واكتر بس محدش كتير بيفهمك المعلومة دى .

فية اسامى كتير فى السوق للقماش فية عامرية وفية مصرية وفية مجد وفية ال3d وفية ال 5d وفية التركى والبركال والتابلوة وال3m فية اسامى كتير اوى اوى وانواع كتير اوى بردة بس علشان منتهش مع بعض

هنتكلم في ثلاث عناصر

ونشرح بشكل مفصل اكتر ونشرح واحدة واحدة 

.....................

اولا الخامات

......................

طبعا القماش اما عادي او مطبوع

المطبوع كلنا عرفينة الي بيكون فية رسومات

وطبعا المطبوع مابيحتجش تطريز او اضافات لانة بيكون الرسمة الي فية هي الي بتخلي الطقم شكلة ملفت وجميل 

اما القماش العادي فبيكون لية ثلاث انواع

1_ قطن

2_ مخلوط

3_ بوليستر

طبعا افضل الاانواع القطن واغلها اما النوع الردي هو البوليستر اما السعرة متوسط هو المخلوط

مخلوط يعني قطن علي بوليستر 

دة اول شق في الخامات

حنيجى بقا لاهم سؤال 

ازاى اعرف المخلوط  من القطن وازاى اعرف الخامة دى حلوة ولا وحشة واعرف نسبة القطن او البوليستر فى القماش حقولك يا ستى 

لازم اختيار للقماش علشان تعرفى تميزى كويس 

اول اختبار .......الملمس الناعم والمريح  للقماش المسى القماش وشوفى نعومتة وشوفية ماسك نفسة ولا سايب  شدية واشمعى لية صوت طرقعة كدا يبقى فية بوليستر ولو سايب وللظهر لمعة يبقى فية بوليستر والبولبستر فية عالى كمان يعنى ترفعى حتت قماش وتشوفيها لو واقفة فى ايدك تبقى فيها قطن اكتر لقتيها بتنزل على ايدك وبتلمع ظهرها وبتعمل كهربا وبتطرقع يبقى فيها البوليستر عالى حاولى متخدهاش 

تاني اختبار ......هناخد منة فتلة او جزء صغير من اسفل الملاية ونولعها بكبريت اوولاعة هنشفها بتسيح بسرعة ولا بتسيح متوسط ولابتولع لو بتسيح بسرعة تبقا نسبة البوليستر عالية والخامة رديئة لو بتولع تبقا كويسة لانها فيها اقطان اكتر بتولع يعنى بيكون فيها نار قدامك واللى بتسيح كدا زى ما بتسيحى البلاستك لانها بوليستر وتلاقى لونها بقا اسود ....

طيب السؤال المهم التانى 

اعرف اذاي انه بيبهت اولونه هيروح؟ 

بتخدي قطعة صغيرة منه وتبليها بي لسانك او وتتدعكيها علي قماشه بيضه معاكي لو طلع الوان في حتت القماشه البيضاء هيكون الخامه مش كويسه والالوان مش ثابته وبردو ممكن الاول وتغسليها كويس اوي قبل ماتشتري وتدعكيها باايدك اوي وتشوفي بتبهت ولا ثابتة 

السؤال بقا الاهم والصعب والكتر انتشارا  

ازاى متخمش فى القماش واعرف انة كويس ولا لا لانى بتخم كتير اوى من التجار ؟ 

الاججابة الوحيدة انك لازم تشوفى برسل القماش بنفسك ومتصدقيش كلام اى تاجر ابدا

حوريكى كام صورة لبرسل القماش علشان تشوفى الفرق بنفسك وتعرفى ازاى تفرقى بين انواع  القماش المختلفة

برسل القماش التركى وحتلاقية علية صور بيقوولوا علية 3d  وابرسل بتاعة بالشكل دة

ودة المصرية مترة مبيعديش ال 18 جنية ودة مووجود بكثرة ومعظم الملايات منة ودة البرسل بتاعه

دة برسل الجلاس يا بنات احسن من المصرية بشوية  وبردة متوفر وخامتة حلوة اغلى شوية بيدخل فى العشرينات  وبردة موجود وبكثرة وناس كتير بتشتغل منة وبتفضله عن المصرية

دة برسل العامرية يا بنات بصى شكله مفيهوش شراشيب تحسية جزء من القماش وبيكون نظيف زى كدا 

يارب اكون قدرت افيدكم يا قمرات واكون قدمت معلومات مهمة ليكم يارب