طريقة قص وتفصيل الملاية باستك باحتراف من البداية وبالمقاسات الصحيحة

طريقه قص وتفصيل الملايه باستك باحتراف من البداية وبالمقاسات الصحيحة

السلام عليكم يا بنات انهردة بقا حشرح لكم حاجة جديدة فى تفصيل المفروشات وهى الملاية باستك ودى مطلوبة اوى اليومين دول ودة لان ظهرت المراتب الجديدة بسوست وهى عالية جدا العلو بتاعها او ارتفاعها بيوصل ل 25 سنتى علشان كدا ليها طريقة قص مختلفة وخياطة مختلفة بس سهله ان شاء الله وحشرحها ليكم فى خطواط بالنفصسل وركزى معايا مفيش اسهل منها بس لازم تركزى كويس

خطواط العمل واخذ المقاسات

1-انك تعرفى ارتفاع السرير بتاعك وارتفاع المرتبة بتاعك مظبوط يعنى تقيسى ارتفاع وطول وعرض المرتبة كويس كام سنتى بالمازورة.

2- لازم تعرفى ان الملاية باستك بتكون قد السرير بالظبط يعنى مش حينفع ابحبح ايدى فى القياس شوية علشان ارضى الزبون او علشان يكون فية براح فى الملاية لان دة حيبوظ شكلها النهائى خالص

3-طيب حنشرح بقا ازاى ناخد المقاسات لطول وعرض وارتفاع الملاية باستك ياريت تركزوا معايا يا بنات لان النقطة دى مهمة منغيرها كل شغلك يبوظ

4- اولا لازم نعرف ان طول السرير واحد فى كل السراير المختلف عندى بيكون عرض السرير بمعنى ان طول كل السراير بيكون مترين لاكن عرض السرير مختلف بيكون متر ونص او متر و60 سنتى وفية ناس بتعمله عموله متر و70 سنتى لاكن انا عايزة الملاية تنزل معايا من الاربع اركان وكمان تدخل تحت المرتبة مسافه متاسبة علشان الملاية تكون ماسكة فى المرتبة

5-طيب حنشرح دلوقتى ملاية بيكون عرضها 160 سنتى ماشى وارتفاعها 25 سنتى ودة ارتفاع المراتب الجديدة وقلنا الطول واحد مترين وطبعا دى مقاساتى انا كل واحدة تقيس تانى وتتاكد من مقاساتها لان ممكن العرض يكون 150 سنتى مش 160 المهم لازم تقيسوا صح بس مقاساتى دى علشان الشرح ماشى

6-كمان مرة لازم نقيس ارتفاع المرتبة مش السرير لا المرتبة ماشى احنا هنا فرضنا انة 25 ولازم نزود قماش علشان ينزل تحت المرتبة نقول 10 ينتى وكمان نزود 5 سنتى علشان الخياطة كدا زودنا 15 سنتى فوق ال 25 سنتى ارتفاع المرتبة معانا كدا تمام يعنى الارتفاع حيكون 40 سنتى للجمب الواحد فقط

7-يعنى لما تقيسى بقا عرش الملاية حتلاقيها 40 ينتى للارتفاع والتنبة تحت المرتبة والخياطة +160 مقاس عرض السرير وكمان 80 سنتى للجمب التانى كدا بقت كام 240 سنتى ودة عرض القماش من التوب يعنى مش حنقص من العرش اى حاجة طيب احنا كدا اخدنا مقاسات العرض ناخد كام طول بقا

8-نحسب بقا الطول احنا قلنا الطول ثابت مترين فى كل السراير حتى سراير الاطفال نحط بقا 25 الارتفاع وكمان 15 زيادة تحت المرتبة و5  سنتى للخياطة يعنى كدا الطول اصبح 280 سنتى حشرحها تانى الجزء دة لانة مهم جدا

9- يعنى المقاس حيكون زى كدا

طول او عرض الملاية +ارتفاع المرتبة +المسافة تحت المرتبة +الخياطة  مضروب فى 2 وبكدا نحصل على المقاس المظبوط للملاية وبكدا على المقايات اللى اخدناها بقا الطول 280 والعرض 280

10- كدا انا خلصت المقايات بتاعتى كدا تمام نفص بقا القماش ازاى من عند البرسل ونقيس 280 سنتى وعلى عرض القماش كله اللى هو اصلا 240 والقماش متنى ونقس ودة لسهوله القص يا بنات خلوا القماش متنى من عند البرسل

11-كدا بقا طلعت عندى مقاسات الملاية ولازم ابدء اجسم الملاية على هيئة مستطيل علشان تتجسم على المرتبة ودة عن طريق انك تقسى مربع من الاربع اركان بتوع المستطيل الكل حيسئلنى طيب ازاى احسب ابعاد المربع دة واحدة واحدة معايا وبلاش تخافى من القص

12-المربع دة انا بحسبة من الزبادات اللى ضفتها من شوبة فاكرين كام كانت 80 سنتى زودناها على طول وعرض المقاسات بتاعت السرير صح كدا نقسم ال 80 على اتنين يعنى 40 سنتى كدا كل ملاية عند الاركان حنقص مربع قطرة 40 سنتى يا بنات وبعد كدا بتخيطى الجوانب مع بعض وحتتجسم عندك الملاية اتنى الاطراف بتاعتك من الاربع جوانب وحطى الاستك ولبسى الملاية شفتى بقا مفيش اسهل من كدا

ملحوظة مهمة

.................

حنفرض ان عرض الصرير اعرض من 160 سنتى فى الحاله دى حيبقى العرض اكتر من 240 سنتى والقماش من توبة 240 سنتى نتصرف ازاى علشان شغلك يبقى حلو ومنظم والفنش حلو تقصى القرص بتاع الملاية الاول يعنى 200 فى 170 ينتى وبعد كدا توصلى الزبادات اللى هى 80 سنتى وتزودى كمان 2 سنتى علشان الخياطة فى القرصة والوصله بتاعت الزيادات ويارب اكون قدرت اشرح ليكم بطريقة مبسطة وحلوة ومفهومة ليكم